Хятадын сансар судлалын агентлаг шинэ он гарсаар хамгийн эхний харилцаа холбооны зориулалттай хиймэл дагуулаа амжилттай хөөргөсөн тухай Хятадын хэвлэлүүд мэдээлжээ.

Синьхуа агентлагийн 24-ний өдөр мэдээлснээр, Хятадын Сансрын шинжлэх ухаан, технологийн групп 23-ны өдрийн 19 цаг 30 минутад Хайнань мужийн Вэнчан хөөргөх төвөөс 11 дэх удаагийн "Харилцаа холбооны технологийн туршилтын хиймэл дагуул"-ыг "ЧангЖон-5 Яо-7" зөөгч пуужингаар хөөргөсөн болохыг онцлов.

Тус хиймэл дагуул нь хөөргөснөөс хойш төд удалгүй төлөвлөсөн тойрог замдаа амжилттай хүрсэн гэжээ.

Энэхүү хиймэл дагуулыг хиймэл дагуулын холбооны салбарт ашиглах болно гэж Хятадын хэвлэлүүд мөн дурдсан байна. Гэвч барууныхан уг хиймэл дагуулыг цэргийн зориулалтаар ашиглах магадлалтай гэж хардаж буйгаа илэрхийлсэн удаатай.

Эх сурвалж: Fnnews