Дэлхийн Эрүүл Мэндийн Байгууллагаас шинээр судалгааны баг байгуулан, түр хугацаанд зогсоод байсан Ковид-19 өвчнийг үүсгэгч шинэ төрлийн коронавирусын гарал үүслийн судалгааг үргэлжлүүлэхээр болжээ.
Уолл Стрийт сэтгүүлийн мэдээлснээр уг шинэ судалгааны багийн бүрэлдэхүүнд лабораторийн аюулгүй байдал болон биоаюулгүй байдлын мэргэжилтэн, генетикч зэрэг 20 орчим хүн багтах гэнэ.
Шинэ коронавирусын гарал үүслийг тогтоох уг судалгааны багт Хятад болон бусад олон орноос хэдэн зуун хүн сонгон шалгаруулалтад оролцох хүсэлтээ ирүүлсэн бөгөөд сонгон шалгаруулалтыг энэ долоо хоногийг дуустал үргэлжлүүлэх төлөвтэй байгаа аж.
Энэ удаад байгуулагдаж буй хоёр дахь судалгааны баг нь Ковид-19 өвчин үүсгэгч вирус ямар нэгэн лабораторит үүсч, тэндээсээ тархсан эсэхийг судлах магадлалтай гэж Уолл Стрийт сэтгүүл нэмж тодотгожээ.
Эх сурвалж: MBC
Covid-19 is rather invented.Today it is possible. The question is the goal the inventors and the investors motivated.