Тайланд улсын ерөнхий сайд Прают Чан-очагийн пүрэв гарагт хийсэн мэдэгдлээр тус улс ирэх сараас эхлэн 46 орноос зорчих жуулчдыг тусгаарлалтад оруулалгүй хилээр шууд нэвтрүүлэх болжээ.
Тийнхүү Их Британи, Америк, Хятад, Сингапур, Герман, Австрали зэрэг 46 улсаас ирэх зорчигчид тусгаарлалтын 10-14 хоногт хугацаа алдахгүй аялах боломжтой болж байгаа юм. Гадаад хэргийн яамнаас өмнө нь мэдээлэхдээ нийт 36 улсаас ирэх жуулчдыг нэвтрүүлнэ гэж ярьж байсан бол ийнхүү 10 орноор нэмэгдсэн байна.
Ерөнхий сайдын мэдээлж байгаагаар жуулчид вакциндаа бүрэн хамрагдсан байх ёстой бөгөөд ойрын хугацаанд шинжилгээ өгч, сөрөг гарсан хариугаа үзүүлж, агаарын тээврээр зорчин ирэх тохиолдолд тусгаарлалтад орохгүй гэнэ.
Тайланд улсын хувьд өнгөрсөн жил л гэхэд аялал жуулчлалын салбартаа 50 тэрбум ам.долларын алдагдалтай ажилласан учир эдийн засгаа сэргээхийн тулд аялал жуулчлалаа нээлттэй болгохоос өөр аргагүйд хүрээд байгаа юм.
Эх сурвалж: Reuters