Их Британи улсын хууль тогтоох байгууллагаас жолооны ард гар утас хэрэглэх тухай хуулийг улам чангатгажээ.

Одоо мөрдөгдөж байгаа хуулиар жолооч машин барьж байх үедээ зурвас бичиж, дуудлага хийх нь хориотой бол ирэх жилээс хэрэгжиж эхлэх шинэ хуулийн хүрээнд жолооны ард суусан л бол гар утсаа ашиглахыг хориглосон байна.

Тодруулбал, жолооч гэрлэн дохио хүлээн зогсохдоо ч гар утсаа ашиглаж болохгүй юм. Улмаар жолооч жолооны ард суусан л бол гэрлэн дохио хүлээн зогсох, түгжрэлд зогсох зэрэг нөхцөлд, машин хөдлөөгүй байсан ч, жолоо барьж байна гэж тооцох бөгөөд хэрэв утсаа ашиглаж байгаа нь илрэх аваас 200 фунтийн торгууль ногдуулж, 6 оноо хасагдах гэнэ. Оноо хассанаар шинэ жолооч нар жолооны үнэмлэхээ хүчингүй болгож ч болох юм.

Дээрх хууль ганц нөхцөлд л хэрэгжихгүй нь хэрэв жолооч түргэн үйлчилгээний цэгийн машинтай зорчин үйлчлүүлэх хэсгээр үйлчлүүлж, төлбөр төлж байгаа тохиолдолд хүчингүй ажээ.

Харин утсаа зориулалтын тавиур дээр байршуулж, газрын зураг харахад ашиглахыг зөвшөөрөх гэнэ.

Эх сурвалж: Engadget