ОХУ-ын ерөнхийлөгч Владимир Путин Оросоос байгалийн хий импортлогч орнууд хийн төлбөрөө рублиэр төлөх ёстой болохыг мэдэгдлээ.
Путин 4-р сарын 1-ний өдрөөс эхлэн найрсаг бус харилцаатай улс орнууд ОХУ-ын нийлүүлж буй байгалийн хийн төлбөрийг рублиэр төлөх тухай ерөнхийлөгчийн зарлигт гарын үсэг зурж, хэрэв рублиэр төлөхгүй гэвэл хий нийлүүлэх гэрээгээ цуцлах болно гэдгийг сануулжээ.
Гэвч Европын холбоо болон дэлхийд эдийн засгаараа тэргүүлэгч долоон орон болох “Их 7”-ын зүгээс уг шаардлагыг гэрээ зөрчсөн гэж үзэн хүлээн авахаас татгалзсан байр суурьтай байгаа билээ.
Шинжээчдийн үзэж байгаагаар огцом унаад буй рублийн ханшийг өсгөхийн тулд ОХУ-ын засгийн газраас уг шийдвэрийг гаргах болсон гэж харж буй юм.
Эх сурвалж: MBC