Оросын парламентын дарга Япон улсыг Сахалин 2 төслөөс гарахыг шаарджээ
5 сарын 26. 19:310

ОХУ-ын парламентын доод танхимын дарга Вячеслав Володин Япон улсыг Сахалин 2 төслөөс ашиг хүртэж буй нөхөрсөг бус орон хэмээн тодорхойлжээ.

Тодруулбал, ноён Володин Япон, Их Британи, Нидерланд улсуудыг Сахалин 2 газрын тос, байгалийн хийн төслөөс үлэмж хэмжээний ашиг хүртэж байгаа гэсэн бөгөөд тэдгээр улсыг төсөлд эзэмшдэг хувьцаагаа Газпром болон бусад нөхөрсөг орнуудын компанид зарахыг шаардсан юм.

Япон улсын хувьд Сахалин 2 төслийн нийт 22.5 хувийг эзэмшдэг бол Их Британийн Shell компани 27.5 хувь, Оросын Газпром 50 хувийг тус, тус эзэмшдэг.

Сахалин 2 төсөл жилд нийт 10 сая тонн шингэрүүлсэн байгалийн хий үйлдвэрлэдгээс 50-60 хувийг нь Япон улсад нийлүүлдэг байна. Энэ нь Япон улсын шингэрүүлсэн байгалийн хийн нийт импортын 10 хувийг бүрдүүлдэг ажээ.

Гэвч Япон зүгээс Сахалин 2 төслөөс гарахгүй хэмээн урьд мэдэгдэж байсан бол Shell компанийн хувьд төслөөс гарч, хувьцаагаа Хятадын нэгэн компанид худалдахаар хэлэлцэж байгаагаа мэдэгдсэн юм.


Эх сурвалж: Nikkei Asia

Энэ мэдээнд өгөх таны сэтгэгдэл?
24
0
0
3
1
0
4
Сэтгэгдэл үлдээх
Нийт 0 сэтгэгдэл
Онцлох мэдээ