Мягмар гарагт АНУ-ын ерөнхийлөгч Жо Байден Финлянд, Швед улсын НАТО-д элсэх протоколыг соёрхож, гарын үсгээ зуржээ. Улмаар АНУ тэдгээр улсын НАТО-д элсэхийг хүлээн зөвшөөрсөн 23 дахь орон болсон байна.
Протоколыг үзэглэх ёслолын үеэр ноён Байден, “Путин биднийг салгаж чадна гэж бодсон. Миний бодлоор энэ бүхэн эхлэхэд тэр биднийг мохоож, салгаж чадна гэж итгэсэн. Гэвч тэрээр ийнхүү огтоос хүсээгүй зүйл нь биелэхийг үзэж байна.
Тэр НАТО-г дуусгавар болгохыг хүссэн ч бид түүнд Финлянд улсыг Шведийн хамтаар НАТО-д элсүүлж үзүүллээ.
НАТО-д элсэх хүсэлт гаргаснаараа Финлянд болон Швед улсууд ариун амлалт өгч байна. НАТО урьд өмнө байгаагүйгээрээ илүү нэгдмэл байна.
Харин Финлянд болон Швед улс манайд элссэнээр НАТО-ийн гишүүдийн тоо 32 болох бөгөөд урьд өмнө байснаасаа ч илүү хүчирхэг болох юм” гэжээ.
Эх сурвалж: The Reuters