Автомашин үйлдвэрлэн нийлүүлэгч BMW брэнд хүссэн үедээ өнгийг нь өөрчилж болох автомашиныг танилцуулжээ.

BMW i Vision Dee гэх тус машин нь футурист буюу ирээдүйг зөгнөсөн загварын автомашин юм.

Ажиллах горим, хүчин чадлын хувьд ердийн машинуудаас нэг их ялгараад байхгүй энэхүү машин нь өнгөө өөрчилдгөөрөө л онцлогтой гэнэ.

BMW-ийн хувьд өнгөрөгч онд мөн ижил санааг танилцуулж байсан ч худалдаанд гаргахгүй хэмээж байсан бол энэ жил тэд тус санаагаа илүү боловсронгуй болгож, хөгжүүлж чадсан байна. Гэсэн хэдий ч машиныг тэд өргөн худалдаанд гаргах төлөвлөгөөгүй байгаа бөгөөд өөр бусад загварын машинуудаа ч ийм технологитойгоор хийхгүй гэсэн юм.

Эх сурвалж: UNILAD