Тайванийн нийслэл Тайпэй хотын Таоюань нисэх буудлаас хөөрөх гэж байсан Тайвань-Сингапур-Тайвань чиглэлийн агаарын хөлгийн бүхээгт зөөврийн цэнэглэгч дэлбэрч, хоёр зорчигч түлэгджээ.
Осол энэ долоо хоногийн мягмар гарагт болсон ч хэвлэлийнхэн одоо л ослын тухай мэдээлж байгаа юм. Түлэгдсэн хоёр зорчигчийн хувьд хүнд гэмтэл аваагүй тул нисэх буудлын яаралтай тусламжид хандан анхны тусламж авсан бөгөөд эмнэлэг явах шаардлагагүй байжээ.
Тийнхүү нислэг товлосон цагтаа хөөрөөгүй улмаас агаарын тээвэрлэгчийн зүгээс нислэгийн товдоо өөрчлөлт оруулах болсон байна.
Харин үйл явдлын хүрээнд нислэгийн нэгэн зорчигчийн хэлснээр, "Ослын буруутан нь агаарын тээврийн компани эсхүл зөөврийн цэнэглэгчийг авч явсан зорчигч биш. Үнэн хэрэгтээ үүнд буруутан үгүй. Хэрэв та зөөврийн цэнэглэгч ашигладаг бол чанартайг нь авч байгаарай" гэжээ.
Эх сурвалж: UNILAD