Баасан гарагт Meta компанийн захирал Марк Закербергийн мэдэгдсэнээр саяхан хэрэглээнд нэвтэрсэн Threads платформ нийт хэрэглэгчийнхээ талаас илүү хувийг алдсан гэжээ.
Зах зээлд Twitter платформтой өрсөлдөх зорилготой хөгжүүлсэн тус платформын хувьд хэрэглээнд нэвтэрсэн даруйдаа 5 хүрэхгүй хоногийн дотор 100 сая хэрэглэгчийг төвлөрүүлээд байсан юм. Тэгвэл баасан гарагт ноён Закербегийн зүгээс энэ тоо эрчимтэй буурч байгааг хүлээн зөвшөөрчээ.
Түүний хэлснээр, “Хэрэв нэг платформ дээр 100 сая гаруй хүн бүртгүүлж, тэд бүгд эсхүл тэдний тал орчим хувь нь платформыг идэвхтэй хэрэглэж байвал гайхалтай хэрэг. Бид хараахан тэр амжилтад хүрээгүй байна” гэсэн юм.
Энэ тухай тэрээр компанийнхаа ажилчдад хандсан уриалгад дурдсан бөгөөд Ройтерс агентлаг анхлан мэдээлжээ.
Ноён Закербергийн тодорхойлсноор хэрэглэгчдийн тоо ийн буурах нь хэвийн үзэгдэл гэсэн юм. Харин хэрэглэгчдийн тоогоо хэрхэн хадгалах тухайд тэр платформын хүрээнд шинэ функц нэмсэн хойно хэрэглэгчдийнхээ тоог хадгалж чадна гэжээ.
Эх сурвалж: BBC