Украинд халдан түрэмгийлснээс хойш анх удаа ОХУ-ын ерөнхийлөгч Владимир Путин НАТО-гийн гишүүн орнуудын нэг болоа Турк улсад албан ёсны айлчлал хийхээр болжээ.
Орон нутгийн цагаар 2-ны өдөр Туркийн Ерөнхийлөгчийн тамгын газрын зүгээс мэдэгдэхдээ, тус улсын ерөнхийлөгч Эрдоган ерөнхийлөгч Путинтэй утсаар холбогдох үеэрээ албан ёсны айлчлал хийхээр тохиролцсоныг ОХУ-ын Кремлийн ордон ч мөн баталсан байна.
Мөн өдөр утсаар холбогдох үеэрээ ерөнхийлөгч Эрдоган Хар тэнгисийн үр тарианы хэлэлцээрийн ач холбогдлыг онцолж, гэрээг сэргээхийн тулд дипломат хүчин чармайлтаа үргэлжлүүлнэ гэдгээ мэдэгджээ.
ОХУ Украинд халдан түрэмгийлсний дараа НҮБ болон Турк улсын санаачлагаар Хар тэнгисийн үр тарианы 4 талт хэлэлцээрийг байгуулсан билээ. Гэвч өнгөрсөн сарын 17-ны өдөр Оросын тал уг хэлэлцээрт тусгасан амлалтууд хэрэгжихгүй байгаа гэх шалтгаанаар хэлэлцээрийг орхиж байгаагаа мэдэгдээд зогсохгүй хэдэн өдрийн турш Украины боомтууд руу агаараас цохилт өгсөн юм.
Эх сурвалж: MBC