Google платформ дор хаяж хоёр жилийн хугацаанд нэг ч нэвтрээгүй, идэвхгүй хаягуудыг устгахаар төлөвлөх болжээ.
Төлөвлөгөөний дагуу Google компани ирэх арванхоёрдугаар сарын нэгний өдрийг хүртэл нэг ч хаягийг устгалд оруулахгүй юм. Харин арванхоёрдугаар сарын нэгний өдрөөс хойш тэд хэрэглэгч хаягаа нээсэн мөчөөс хойш нэг ч нэвтрээгүй хаягуудыг устгалд оруулна гэсэн байна.
Мөн түүнчлэн тэд идэвхгүй хаяг эзэмшигчдэд эл арга хэмжээний тухай анхааруулгыг хэд хэдэн удаа хүргэхээр төлөвлөсөн гэнэ. Анхааруулга нь найман сарын хугацаатай байх бөгөөд тухайн хугацаанд хэрэглэгч хаяг руугаа нэвтрээгүй нөхцөлд хаягийг устгалд оруулах ажээ.
Уг арга хэмжээг авч хэрэгжүүлэх болсон шалтгаан нь хуучин хаягууд хамгаалалт сул, хоёр шатлалт нууцлал үгүй учир хакеруудын хувьд өлхөн олз болох боломжтой гэнэ.
Эх сурвалж: CNN