Саяхан л нэгжийн үнэлгээ нь 31,000 ам.долларт хүрч, криптовалют сонирхогчдын хүрээнд коины үнэлгээ өсөж байна гэх итгэлийг төрүүлээд амжсан биткоины ханш эрчимтэй унах болжээ.
Улмаар баасан гарагт нэгж биткоины ханш 26,500 ам.доллароос бууснаар сүүлийн 2 сарын хугацаан дахь доод үнэлгээнд хүрчээ.
Криптовалютын зах зээлийн хүрээнд биткоин нь хамгийн өндөр үнэлгээтэй, хамгийн алдартай коин тул үүний ханшийг даган бусад коины ханш ч хэлбэлздэг.
Тиймээс биткоины ханш 26,500 ам.доллароос унахад эфериумийн ханш ч мөн адил унаж, нэг ширхэг эфериум 1,691 ам.долларын үнэлгээтэй болжээ.
Биткоины хувьд 2023 он гарсаар хамгийн өндөртөө өнгөрөгч долоодугаар сард 31,814 ам.долларын үнэлгээ хүрсэн юм.
Эх сурвалж: CNBC