НАТО-ийн гишүүн орон болох Словак улс удахгүй 5 дахь ерөнхий сайдаа сонгох сонгуулийг зохион байгуулах гэж байгаа билээ. Тэгвэл эл сонгуулийн урьдчилсан санал хураалтад Оросыг дэмжигч, сөрөг хүчний гишүүн Роберт Фико тэргүүлэх болжээ. Улмаар барууныхан Словакийн ерөнхий сайдын сонгуулийг нарийн ажиглах болсон байна.
Словак улсын хувьд 2022 онд ОХУ Украины нутаг дэвсгэрийг эзлэн түрэмгийлж эхэлснээс хойш Украины хамгийн найдвартай түнш байж ирсэн бөгөөд Украины олон мянган дүрвэгчийг хилээрээ оруулж, тус улсад хамгийн түрүүнд агаарын довтолгооноос хамгаалах системийг илгээсэн улс юм.
Гэвч Роберт Фико Словакийн ерөнхий сайдаар сонгогдвол тус улсын энэ түншлэл дуусгавар болох билээ. Учир нь түүний хувьд урьд “Украины нацист, фашистууд” ерөнхийлөгч Путинг цэргийн тусгай ажиллагаа эхлүүлэхэд хүргэсэн хэмээж байсан ч удаатай юм. Мөн тэрээр Украин улсыг НАТО-д элсэхэд эсэргүүцэх байсан хүмүүсийн нэг билээ.
Роберт Фикогийн хувьд өмнө нь хоёр ч удаа ерөнхий сайдаар сонгогдож байсан бөгөөд 2018 онд олон нийтийн шахалтаар албан тушаалаасаа огцорч байсан юм.
CNN сувгаас мэдээлснээр сонгууль ирэх бямба гарагт зохион байгуулагдах гэнэ.
Эх сурвалж: CNN