Ням гарагийн орой Израилийн ерөнхийлөгч Исаак Херцог Британийн Sky News мэдээллийн сувагт ярилцлага өгчээ. Ярилцлагын үеэр тэр Хамас бүлэглэлийн эсрэг хэд хэдэн ноцтой баримт, диаграммыг үзүүлсэн байна.
Улмаар ярилцлагын хүрээнд түүний өгүүлснээр, Израиль руу нэвтэрсэн Хамас бүлэглэлийн цэргүүдийн биеэс химийн зэвсэг хэрхэн бүтээх тухай гарын авлага байсан гэжээ.
Тэдний мэдэгдсэн дагуу Израилийн зэвсэгт хүчин эл материалыг биедээ тээж явсан цэргийн цогцсыг Киббуц Бе’еригээс олсон бөгөөд гарын авлагыг тэд USB хадгалах төхөөрөмж дээр хуулсан байсан гэнэ. Ноён Херцогийн хэлснээр тус гарын авлага нь аль-Каидагийн материал байсан ба гарын авлагад цианидыг хэрхэн зэвсгийн шугамаар ашиглах тухай тусгасан байсан гэжээ.
Гэвч эл мэдээний хүрээнд Sky News сувгаас мэдэгдсэнээр тэд энэхүү мэдээллийг бие даан шалган баталгаажуулах боломжгүй байна гэсэн юм.
Эх сурвалж: Sky News