Өнгөрөгч баасан гарагаас ням гарагийн хугацаанд ОХУ-д ерөнхийлөгчийн ээлжит сонгууль зохион байгуулагдсан билээ. Энэхүү мэдээллийг бэлтгэх хугацаанд тус улсын СЕХ нийт саналын 99.43 хувийг тоолоод байгаа бөгөөд урьдчилсан дүнгээр ерөнхийлөгч Владимир Путин 87.32 хувийн саналтайгаар сонгуулийг тэргүүлж байгаа юм.

Тэгвэл үйл явдлын хүрээнд Хятадын Рэньмин их сургуулийн харьяа Чонгяны Санхүү судлалын хүрээлэнгийн гүйцэтгэх захирал Ван Вэнийн хэлснээр, ерөнхийлөгч Путин энэхүү сонгуулиар улиран сонгогдох нь Орос-Хятадын харилцааны тогтвортой байдлыг улам бататгана хэмээжээ.

Ван Вэн, “Путин улиран сонгогдох нь Орос-Хятадын харилцааны тогтвортой байдлыг хадгалах хийгээд олон улсын тогтолцоог тогтвортой шинэчлэх бодлогыг үргэлжлүүлэхэд нэмэртэй. Дийлэнх хятадуудын хувьд Путиныг дахин сонгогдохыг таатайгаар хүлээн авна. Хятадад түүний шүтэн бишрэгчид маш олон. Дийлэнх оросууд дахиад л Путинд саналаа өгсөн нь баруунд түүний талаар олон хар мэдээ гарахад хүргэлээ. Гэсэн ч сонгуулийн үр дүнгээс үзвэл Оросын ард түмэн Путины одоо хийж буй үйлд итгэж байгаа” гэсэн байна.

Эх сурвалж: ТАСС