Мягмар гарагт Энэтхэгийн засгийн газраас мэдэгдсэнээр тэд 2040 он гэхэд сар руу сансрын нисгэгчээ илгээхээр зорьжээ. Үүний тулд тэд өөрсдийн сансрын станцыг 2035 он гэхэд байгуулж дууссан байх гэнэ.
Энэхүү төлөвлөгөөг тус улсын ерөнхий сайд Нарендра Моди мягмар гарагт танилцуулсан бөгөөд энэ ташрамд тэрээр эрдэмтдээс Сугар, Ангараг гараг руу нисэх даалгавар дээр ажиллахыг хүсжээ.
Энэтхэг улсын хувьд өнгөрөгч наймдугаар сард сарны өмнөд туйлд сансрын хөлгөө газардуулсан дэлхийн анхны улс болсон бол есдүгээр сард нарыг судлахын тулд пуужин хөөргөсөн юм.
Мэдэгдлийн хүрээнд BBC сувгаас мэдээлснээр Энэтхэгийн Сансар судлалын Байгууллага мөн Гаганяан гэх төсөл дээр ажиллаж байгаа бөгөөд эл төсөл нь тодорхой хэдэн хүнтэй багийг 400 километрийн тойрог замд оруулж, эргүүлэн аюулгүй авч ирэх гэнэ. Улмаар энэ долоо хоногийн бямба гарагт Энэтхэгийн сансрын агентлаг эл төслийн гол туршилтыг хийх ажээ.
Эх сурвалж: BBC