Цахим орчинд хүмүүсийг талцуулаад байгаа нэгэн ресторан бол Бангкокт байрладаг, бараг л хагас зуун жилийн турш буцалгасан шөлөөр үйлчилдэг газар юм.

Тодруулбал, Тайландын Бангкок дахь Эккамай гэх газарт байрлах тус ресторан нь 45 жилийн турш нэг тогоонд, нэг шөлөө буцалгаж буй ажээ.

Бараг л таван арваны турш нэг ч удаа салгаж, саваа угааж, шөлөө сэлгээгүй тус газрын тухай сонсоход л гэдэс өвдөх шиг болох ч энэ бүхний ард 45 жилийн түүхт шөлний нууц нуугдаж байгаа юм.

Ваттана Панич гэх тус ресторан нь гэр бүлийн бизнес бөгөөд тэд “neua tune” гэх шөлөөрөө алдартай. Учир нь тэд шөлөө хэзээ ч шинэчилдэггүй. Рестораны гурав дахь үеийн залгамжлагч Наттапонг Катееантавонгийн тайлбарласнаар тэд өдөртөө шөлөө буцалгаж, үйлчлүүлэгч нартаа хүргэсний дараа бага зэргийг үлдээгээд шөнөжин буцалгаж, маргаашийн шөлнийхөө суурийг бэлтгэдэг гэсэн юм. Энэ нь тийм ч шинэ арга биш бөгөөд тухайн өдөр их хэмжээний шөл үлдсэн байх аваас тэд илүүдэл шөлөө асгаж, тодорхой хэмжээний шөлийг л тогоонд үлдээн буцалгадаг ажээ.

Эх сурвалж: UNILAD