Даваа гарагт Ройтерс агентлагаас мэдээлснээр Малайз улс ирэх арванхоёрдугаар сарын нэгний өдрөөс эхлэн Энэтхэг, Хятадын иргэдийг 30 хоногийн хугацаанд визгүй нэвтрүүлдэг болох болжээ. Энэ талаар тус улсын ерөнхий сайд Анвар Ибрахим ням гарагийн орой мэдэгдсэн байна.
Улмаар эл бодлого нь 2024 оны арванхоёдугаар сарыг дуустал үргэлжлэх ажээ.
Малайз улсын хувьд энэ оны эхний зургаан сарын хугацаанд нийт 9.16 сая жуулчин хүлээж авснаас 498,540 жуулчин нь Хятад улсын иргэн байсан бол 283,885 жуулчин нь Энэтхэг улсын иргэн байсан гэнэ. Улмаар Малайз улсыг зорьдог жуулчдын урсгалыг улс орноор нь жагсаан үзвэл дөрөв, тавдугаарт Хятад, Энэтхэг улс бичигддэг байна.
Эх сурвалж: The Reuters