Твиттер буюу одоогийн X платформыг үүсгэн байгуулагчдын нэг Жак Дорси Bluesky гэх шинэ аппликейшнаа хэрэглээнд нэвтрүүлжээ. Улмаар тус платформд нэгдэж, тухайн аппликейшныг хэрэглэх хүсэлтэй хэн бүхэн өөрийн бүртгэлийг үүсгэж, аппликейшнаа бүрэн ашиглах боломжтой болсон байна.
Ноён Жак Дорсигийн үзэж буйгаар тус платформ нь ойрын ирээдүйд түүний худалдсан Твиттер платформтой өрсөлдөх юм.
Платформын хувьд хэрэглэгчдэд хоёр төрлийн фийдийг үзүүлэх бөгөөд хэрэглэгч дурын фийдээ сонгох боломжтойгоороо онцлогтой. Ерөнхий тохиргооныхоо хүрээнд хэрэглэгчийн фийд нь түүний дагасан хүмүүсийн постыг он цагийн дарааллаар жагсаасан байх бол нөгөө тохиргоо нь хэрэглэгч өөрийн сонирхлын алгоритмд үндэслэсэн фийдийг хүлээн авах боломжтой ажээ.
Үйл явдлын хүрээнд ноён Жак Дорсигийн зүгээс Bluesky платформыг олон нийтэд танилцуулах үеэрээ хэлсэн үгийг орчуулан хүргэвээс, “Bluesky платформ нь та бүхний бүртгэлээ үүсгэж, нэвтрэх шаардлагатай сүүлийн аппликейшн байхыг зорилоо” хэмээсэн юм.
Эх сурвалж: AP News