Өнгөрөгч 26 жилийн турш сураггүй алга болсон бүртгэлтэй байсан алжир эр Омар Биг хөрш нь хулгайлсан байсныг олж тогтоожээ.
Омар Бигийн хувьд 1998 онд Алжирын иргэний дайны үеэр алга болж байсан юм. Алга болохдоо тэр 17 настай байжээ. Улмаар түүний ар гэрийнхний зүгээс Омарыг барьцаалагдсан эсхүл хэн нэгэн этгээдийн гарт амиа алдсан гэж бодохоос өөр аргагүй нөхцөлд орсон байна.
Гэвч өдгөө 45 настай Омар саяхан өөрийн гэрээс ердөө 200 метрийн зайд олджээ.
Одоогоор түүнийг хулгайлсан этгээдийн тухай дэлгэрэнгүй мэдээлэл үгүй боловч хэвлэлийнхний мэдээлж байгаагаар гэмт этгээд нь өдгөө 61 настай, насаараа ганцаар амьдарсан, ямар нэг гэмт хэргийн бүртгэлгүй хүн гэнэ.
Өдгөө хэрэг мөрдөн шалгах шатандаа явж байгаа ажээ.
Эх сурвалж: UNILAD