![](c/2406/MS-2D4LOZS-SG4KFVN-X22MH08-YC.jpg)
Умард солонгосын хөтөлдөг суртал ухуулгын цахим сүлжээний “Нэнара”(миний эх орон) сувгаар онцолсон Британи аялгаар тун цэвэрхэн ярьдаг Сун А охин олны анхаарлын төвд ороод байна.
Тухайлбал, өнөөдөр/06.12/ тус сувагт “Пёнян дахь Сонгю бага дунд сургуулийн нэгдүгээр ангийн сурагч Им Сун А” нэртэй бичлэг нийтлэгдэж, өнгөрсөн оны арван нэгдүгээр сард улсын хэмжээнд зохион байгуулагдсан гадаад хэлний ярианы тэмцээний аварга Сун А охиныг танилцуулжээ.
![](m/nf/G5-UYBJJQO-KDTXIDP-LCQ6NJ0-0R.jpg)
Чухамдаа Сун А охин 2022 оны нэгдүгээр сараас өөрийн сувгийг нээн, Пёнян хотын төвөөр зугаалж байгаа бичлэгүүдээ нийтлэн 20 мянга гаруй дагагчтай болсон “амжилттай” юүтүбер билээ.
Гэвч Юүтүбийг эзэмшигч Гүүгл компани түүний сувгийг умард Солонгосын дэглэмийг илт сурталчилсан буюу тус платформын журмыг зөрчсөн гэх шалтгаанаар 2023 оны зургаадугаар сард хаасан юм.
Нэнара сувгийн танилцуулснаар Сун А англи хэл дээр 30 гаруй дэвтэр өдрийн тэмдэглэл хөтөлсөн, англи хэл сурч эхэлсэн цагаасаа л өөрийгөө хэрхэн зөв илэрхийлэх талаар үргэлж сурч, хөгжиж ирсэн гэнэ.
Сун Агийн тикток суваг хэдий хаагдаагүй ч гэлээ 2023 оны наймдугаар сараас хойш шинэ бичлэг ороогүй аж.
Эх сурвалж: Yonhap