Малаас ялгарах хүлэмжийн хийнд торгууль ноогдуулсан дэлхийн анхны улс Дани болж байна.

Тухайлбал, Данийн татварын сайд Жэппэ Бруус малаас ялгарч буй хүлэмжийн хийнээс болж фермерүүдэд татвар ноогдуулахаа зарлажээ. Түүний мэдээлснээр 2030 оноос үхэр, гахай, хонийн унгаснаас татвар хурааж эхлэх аж.

Бруусын тайлбарлаж байгаагаар татварын шинэ систем тус улсын 1990 оноос хойш хүлэмжийн хийн ялгарлыг 70 хувиар бууруулах зорилтод том нэмэр болох гэнэ.

Ийнхүү 2045 он гэхэд байгальд ээлтэй улс болохын тулд дани фермерүд малаас нь ялгарч буй нүүрсхүчлийн давхар ислийн тонн бүрт 300кронер буюу 43 ам.доллар төлөх юм байна.

Судалгаанаас харвал, дундаж дани үхэр жилд 6.6 тонн нүүрсхүчлийн давхар исэл ялгаруулдаг, гахай, хонь арай бага байдаг аж.

Түүнчлэн өдгөө Данид 1.5 сая толгой үхэр байгаагаар тооцвол, унгаснаас нь жилд 400 сая гаруй ам.долларын татвар хураах юм байна.

Эх сурвалж: RT