Экономист агентлагийн түнш EIU дэлхийн 173 хотыг сонгон авч, эрүүл мэндийн үйлчилгээ, соёл, орчин, тогтвортой байдал, дэд бүтэц, боловсролын тэргүүтэй хэд хэдэн шалгуур тавин судалснаар амьдрахад хамгийн таатай байдлаар нь эрэмбэлсэн байна.

Жагсаалтыг Вена хот гурав дахь жилдээ тэргүүлсэн байна. Вена хот нийт таван шалгуурын дөрөвт төгс оноо авч, онцгой том спортын арга хэмжээ зохион байгуулдаггүй гэдэг шалтгаанаар соёл, орчны тал дээр ялимгүй бага оноо авсан гэнэ.

Мөн Данийн Копенхаген хот хоёрдугаар байраа хадгалж, Швейцарийн Цюрих хот өнгөрсөн жил зургаадугаарт байснаасаа ахиж, гуравдугаарт оржээ.

Цаашлаад, Австралийн Мельбурн хот гуравдугаар байраас нэгээр ухарч дөрөвдүгээрт орсон бол Канадын Калгари хот Женевтэй тавдугаар байранд тэнцсэн байна.

Харин долоодугаар байранд Канадын Ванкувер, Австралийн Сидней хотууд зэрэгцэж, Японы Осака, Шинэ Зеландын Окланд нар ес, аравдугаар байранд оржээ.

Өрнө Европийн хотууд олонхоороо буюу нийт 30 хот 100 онооноос 92 оноо хүртэн дээгүүр байр эзэлсэн боловч сүүллийед олон давтагдаж буй эсэргүүцлийн жагсаал, хөдөлгөөн, гэмт хэргүүдээс болж тогтвортой байдал дээр хангалттай оноо авч чадаагүй гэнэ.

Жагсаалтыг танилцуулбал:

1. Австрийн Вена

2. Данийн Копенгаген

3. Швейцарийн Цюрих

4. Австралийн Мельбурн

5. Канадын Калгари

5. Швейцарийн Женев

7. Австралийн Сидней

7. Канадын Ванкувер

9. Японы Осака

10. Шинэ Зеланды Окланд

Жагссан байна.

Эх сурвалж: Economist