Саудын Арабын төрийн мэдлийн SPA агентлаг орон нутгийн цагаар 1-ний өдөр мэдээлснээр, тус улсад газрын тос, байгалийн хийн шинэ ордууд илрүүлснийг онцолжээ.

Саудын Арабын ханхүү, Эрчим хүчний сайд Абдулазиз бин Салман мөн өдөр хийсэн мэдэгдэлдээ “Төрийн өмчит газрын тосны Арамко компани уламжлалт бус газрын тосны хоёр орд, цайвар газрын тосны нэг орд, байгалийн хийн хоёр орд болон байгалийн хийн хоёр давхаргыг илрүүлсэн” хэмээн цохон тэмдэглэв.

Уламжлалт бус газрын тосны ордууд гэдэг нь өмнө нь өртөг зардал, үйлдвэрлэлийн технологийн асуудлаас шалтгаалж өрөмдлөг хийхэд хүндрэлтэй байсан ч технологийн дэвшлийн ачаар өдгөө олборлох боломжтой болсон газрын тосны нөөцийг хэлдэг аж.

Ноён Абдулазизын тайлбарласнаар Зүүн бүсэд газрын тосны хоёр орд илрүүлсэн гэв. Тодруулбал Аладам ордоос өдөрт 5100 баррель газрын тос, Аль-Фарукаас өдөрт 4500 баррель газрын тос олборлох боломжтой хэмээн дурдсан байна.

Түүнчлэн байгалийн хийн шинэ орд нь Руб Аль Хали цөлд байрладаг аж.

Эх сурвалж: MBC