БНТУ-ын Тээвэр, дэд бүтцийн яамнаас мэдээлснээр тус улс ирэх сарын 2-ны өдрөөс эхлэн Армен улстай агаарын замаар холбогдох болжээ. Тодруулбал, Армен улсыг чиглэх агаарын тээврийн үйлчилгээ хоёрдугаар сарын хоёрны өдрөөс эхлэх бөгөөд Ирак улсын хойд хэсгийг зорих нислэг энэ сарын 24-ний өдрөөс эхлэх гэнэ.

Энэ сарын аравны өдөр талууд хэлэлцэж, Армен улсын Иргэний агаарын тээврийн газраас Ереван-Истанбул-Ереван чиглэлийн нислэгийг үйлдэхэд асуудалгүй хэмээн зөвшөөрөл олгосон юм.

Тийнхүү ирэх сард үйлчилгээнд нэвтрэх тус чиглэлийн аяллын тийз аль хэдийн худалдаанд гарсан байна. Одоогийн байдлаар Турк улсын Пегасус Эйрлайнс компани тус чиглэлд долоо хоногтоо гурван нислэг үйлдэх төлөвлөгөөтэй байгаа гэнэ.

Турк улсын хувьд 1993 онд Армен улстай хиллэдэг агаарын болон газрын хилээ хаасан бөгөөд 1995 онд эргүүлэн нээж байжээ.

Эх сурвалж: ТАСС