АНУ-ын ерөнхийлөгч асан Доналд Трамп Фэйсбүүк, Твиттер зэрэг томоохон платформуудад “бандуулснаас” хойш өөрийн үг хэлэх эрх чөлөөг хамгаалахаар “Truth Social” гэх сошиал платформыг хэрэглээнд нэвтрүүлсэн билээ.
Тэгвэл өнгөрөгч хоёрдугаар сараас App Store-т орсон “Truth Social” аппликэйшнийг Google Play хоригложээ. Ингэснээр эндройд үйлдлийн системтэй утас хэрэглэдэг хүмүүс тус аппликэйшнийг татан авахад хүндрэл үүсэж байгаа юм.
Харин тус аппликэйшнийг юуны учраас хориглох болсныг тодруулах Google компанийн зүгээс “Truth Social” платформ нь тэдний бодлогыг зөрчиж байгаа гэжээ.
Google компанийн мэдэгдсэнээр хэрэв платформ тэдний бодлоготой уялдвал Google Play-д оруулахгүй гэх шалтгаан байхгүй гэсэн байна.
Эх сурвалж: BBC