Meta нийт хүний нөөцийнхөө 13 хувь буюу 11,000 орчим ажилтныг цомхотгоно хэмээн үүсгэн байгуулагч Марк Закерберг хэллээ. Цомхотгол явуулах болсон гол шалтгаан нь компанийн орлого буурсан, эдийн засгийн хэтийн төлөв таагүй байгаатай холбоотой юм.
Компани 2023 оны эхний улирлыг дуустал шинээр ажилтан авахгүй хэмээн мэдэгдээд байгаа билээ. Түүнчлэн, үндсэн зардлаас бусад нэмэлт үйл ажиллагааны төсвийг танах, багуудаа дахин зохион байгуулах, үл хөдлөх хөрөнгийн зардлаа багасгах зэрэг арга хэмжээ авч байгаа юм. Закерберг цомхотгол хийх болсонд өөрийгөө буруутган цар тахлын үеийн өсөлтийг байнгынх хэмээн эндүүлч алдаа гаргалаа хэмээн нийт ажилчдаасаа уулчлалт гуйлаа.
Meta цомхотголд өртсөн ажилтнууддаа гэнэт халагдсаны тэтгэмж болгон 16 долоо хоногийн үндсэн цалин дээр тус компанид ажилласан нэг жил тутамд хоёр долоо хоногийн цалин нэмж тооцон олгохоор шийдэв. Мөн зургаан сарын хугацаанд эрүүл мэндийн даатгалыг нь төлнө гэв.
Эх сурвалж: Forbes