Лхагва гарагт ОХУ-ын шадар сайд Денис Мантуровын мэдэгдсэнээр Оросын үндэсний агаарын тээвэрлэгч Аэрофлот компани 2025 он гэхэд нийт 63 шинэ агаарын хөлгөөр үйл ажиллагаагаа өргөжүүлсэн байх болно гэжээ.

Түүний хэлснээр, “2023-2025 оны хугацаанд Аэрофлот компанид нийт 63 шинэ агаарын хөлөг нийлүүлэх төлөвлөгөөтэй байна. Үүний гучин дөрвөн хөлөг нь импортыг орлох SuperJet агаарын хөлөг байх бол арван найм нь МС-21, арван нэг нь Ту-214 тийрэлтэт хөлөг байх болно” гэсэн юм.

Тийнхүү төлөвлөгөөг тэд Үндэсний Баялгийн Сангаасаа санхүүжүүлэх болсон бөгөөд нийт 175 тэрбум рублийг татах болжээ.

Эх сурвалж: ТАСС