Өнгөрөгч долоо хоногийн лхагва гарагт Бразил улсад 7.4 килограмм жинтэй, 61 сантиметр өндөр хүүхэд мэндэлжээ. Хүүгийн биеийн жин, өндөр дунджаас хэт давсан байсан учир эх баригчдын зүгээс амаржигч эхэд хагалгаа хийн хүүхдийг эсэн мэнд төрүүлсэн байна.
Клейдиан Сантос дос Сантос гэх эмэгтэйн хувьд өдгөө 27 настай бөгөөд түүнийг жирэмсэн байхад л хяналтын эмч нар хүүг 36 долоо хоног тээх боломжгүйг мэдсэн гэнэ. Улмаар хүүг төрмөгц эмч нар түүнийг инкубаторт хийж, биеийн байдлыг нь тогтворжуулсан байна.
Холбогдох албаныхны мэдээлснээр өдгөө эх, хүүхдийн бие тун сайн байгаа гэсэн юм.
Бразил улсын түүхэнд мэндэлсэн хамгийн том хүүхэд 8 килограмм жинтэй байсан бол дэлхийн дээд амжилтыг 1955 онд Итали улсад мэндэлж асан 10.2 килограмм жинтэй Анна Бэйтс эзэмшдэг байна.
Эх сурвалж: Daily Mail