Ням гарагт Турк улсад ерөнхийлөгчийн сонгуулийн хоёрдугаар шат зохион байгуулагдаж, ерөнхийлөгч Режеп Тайип Эрдоган улиран сонгогдсон билээ. Гэвч ноён Эрдоган ерөнхийлөгчийн албыг хаших хугацаагаа 5 жилээр сунгахтай зэрэгцэн даваа гарагт лирийн ам.доллартой харьцах ханш түүхэн доод хэмжээнд хүрсэн байна.

CNBC агентлагаас мэдээлснээр орон нутгийн цагаар даваа гарагийн өглөө 11:00 цагт лирийн ам.доллартой харьцах ханш 20.0608 болсон юм. Улмаар шинжээчдийн зүгээс энэ оны сүүл гэхэд лирийн ам.доллартой харьцах ханшийг 23 болно гэсэн бол ханш ирэх оноос л үл ялиг өсөж, 25 лири болно гэж таамаглажээ.

Туркийн лирийн хувьд өнгөрөгч 5 жилийн хугацаанд ам.доллартой харьцах ханшийнхаа 77 хувийг алдсан юм.

Олон улсын эдийн засагчдын зүгээс лирийн ханш ийн унах болсон гол шалтгаан нь Туркийн мөнгөний бодлоготой шууд холбоотой гэжээ. Учир нь ерөнхийлөгч Эрдоганы хувьд бодлогын хүүг өсгөснөөр инфляц давхар өсдөг гэсэн уламжлалт бус үзлийг дэмждэг байна.

Эх сурвалж: CNBC