SpaceX компанийн дэмжлэгтэй үйл ажиллагаа явуулдаг нисдэг автомашины стартап Alef Aeronautic компани түүхэнд анх удаагаа нисдэг автомашиныг турших эрхийг авчээ. Туршилтын эрх авсан автомашин нь 300,000 ам.долларын үнэ бүхий нисдэг, цахилгаан автомашин юм.

Улмаар Холбооны Нисэхийн Удирдлагаас Модель А загварын автомашинд Нисэх чадамжийн тусгай сертификатыг олгожээ.

Үйл явдлын хүрээнд стартап компанийн гүйцэтгэх захирал Жим Духовныйгийн хэлснээр, “Энэ бол хүмүүсийг хүрээлэн буй орчиндоо ээлтэйгээр, илүү хурдан, цаг хэмнэн аялахад нэг алхам ойртуулж буй явдал. Уг амжилтыг агаарын хөлгийн хэмжээнд авч үзвэл жижиг хэдий ч автомашины хэмжээнд авч үзвэл томоохон амжилт юм” гэсэн байна. Жим Духовныйгийн хэлснээр хүмүүс ирэх 2025 оноос нисдэг автомашинуудыг агаарт зорчиж явахыг харах гэнэ.

Эх сурвалж: Hype Beast