Фэйсбүүк, Инстаграм зэрэг платформын толгой компани болох Meta лхагва гарагт өөрийн гэсэн зан араншинтай, хиймэл оюун ухаан бүхий чатботуудыг танилцуулжээ. Meta компанийн гүйцэтгэх захирал Марк Закербергийн тайлбарласнаар тэд эдгээр чатботуудыг өөрсдийн Messenger платформд ашиглана гэсэн юм.
Шинэ чатботуудын гол онцлог нь тэд өөр өөрийн гэсэн зан араншинтай байх бөгөөд тус бүрдээ тодорхой нэг сэдвийг дэлгэрэнгүй судалсан байх ажээ.
Тийнхүү хэрэглэгчид хоорондоо чатлаж байхад ямар нэг зүйлийн талаар мэтгэлцэх аваас “Meta AI” чатботыг дуудаж, маргаанаа таслуулах гэх мэтээр уг технологийн дэвшлийг хэрэглээнд оруулах гэнэ. Гэхдээ чатботуудын үндсэн зорилго нь асуултад хариулах бус энтертайнмент байх юм.
Улмаар Америк хөлбөмбөгийн од Том Брэди л гэхэд “Бру” нэртэй “шооч спортын мэтгэлцэгч” чатботын дүрийг бүтээсэн бол YouTube од MrBeast “Зак” нэртэй “чамаар тохуурхах” чатботын дүрийг бүтээсэн байна.
Марк Закербергийн хэлснээр чатботуудыг тэд эхний ээлжид АНУ-ын зах зээлд ойрын өдрүүдээс гаргана гэжээ.
Эх сурвалж: BBC