Оросын Шинжлэх Ухааны Академийн Эдийн Засгийн хүрээлэнгийн өнгөрсөн долоо хоногт танилцуулсан судалгааны тайлангаас үзвэл, ОХУ-ын нийт газар нутаг даяар агаарын дундаж хэм нэг хэмээр нэмэгдэхэд ДНБ 1.2 их наяд орчим рублиэр өсөх боломжтой гэнэ. Тэгэхдээ дэлхийн дулаарлаас хамгийн их ашиг хүртэх салбар нь хөдөө аж ахуй, ойн салбар аж.

Хүрээлэнгийн тэргүүн Александр Шировын тайлбарласнаар Оросын дундаж агаарын хэм арван жил тутамд хагас хэмээр нэмэгддэг нь байгаль орчин хийгээд эдийн засаг гэх мэт олон салбарт шинэ асуудлуудыг авчирдаг ч гэлээ, зөв бодлого шинэчлэн хэрэгжүүлж чадвал Орос улс дэлхийн дулаарлаас ашиг хүртэх боломжтой гэв.

Судалгаандаа тус хүрээлэн зөвхөн эдийн засаг, хөдөө аж ахуйгаас гадна уул уурхай, тээвэр, барилга гээд олон салбарыг хамруулан тооцож үзжээ. Тэгэхэд дундаж агаарын хэм нэгээр өсөхөд 2.45 их наяд рублийн хохирол учрах боловч ашиг нь 3.64 их наяд рубль давах тооцоо гарсан байна.

Эх сурвалж: RT