![](c/2407/IH-IWFWZQV-NFPZI74-AT8LT9Z-FE.jpg)
Номын Оркни сангаас авсан номыг 47 жил хугацаа хэтэрсэн хойно нь буцаан аваачиж өгчээ.
Алан Байд нэрт зохиогчийн каной завь хийх заавар бүхий номыг анх нутгийн иргэн 1977 оны гуравдугаар сард номын сангаас зээлэн авчээ. Гэвч ном энэ долоо хоногт л эргээд номын сандаа харьсан байна.
Учрыг тодруулбал, тус тосгоны оршин суугч байшингаа цэвэрлэж байгаад дээрх номыг олсон аж.
Номын санч Жон Петерсон “Аз болж манай номын сан хугацаа хэтэрсэн номонд торгууль ноогдуулдаггүй. Гэхдээ торгодог байлаа ч хэнийг торгох нь тодорхойгүй. Учир нь дэндүү удсан болохоор анх хэн гэдэг хүн авч явсныг нь ч мэдэх аргагүй” гэжээ.
Ингэснээр дээрх үйл явдал дэлхий дээрх номын санд номоо эргүүлэн өгөх хугацааг хамгийн удаан хэтрүүлсэн үйл явдал болж байна.
Үүнээс өмнө 2022 онд 46 жил алга болсон ном, 2017 онд 43 жил алга болсон ном нмын сандаа тус тус эргэн ирж байжээ.
Эх сурвалж: BBC