![](c/2407/FA-XOP2J7R-KCCAW6W-QE0M3FB-XM.jpg)
ОХУ-д гэр бүлийн хүчирхийлэл их гарч байна гэх шалтгаанаар хүний эрхийн төлөө тэмцэгч байгууллагууд орос бүсгүйчүүдэд биеэ хэрхэн хамгаалахыг заах хөдөлгөөн өрнүүлж эхэлжээ.
“Түрүүлж цохь” нэртэй энэ хөдөлгөөнийг Шинэ хүмүүс нам дэмжсэн гэнэ. Намын цахим хуудаснаас харвал, тус хөдөлгөөний хүрээнд наймдугаар сард Оросын хэд хэдэн хотод эмэгтэйчүүдэд биеэ хамгаалах, эсэргүүцэн тулалдах нэг цагийн хичээл заах юм байна.
Хөдөлгөөнийг тэргүүлэгч нар 2021, 2022 онд 16000 орос эмэгтэй гэр бүлийн хүчирхийлэлд удаа дараа өртөж, тэднээс мянга орчим нь амь насаараа хохирсон гэх тоо баримтыг дэлгэж, хөдөлгөөнийхөө шаардлагыг таниулж буй аж.
Шинэ хүмүүс намаас парламентад дэвшсэн гишүүн Анна Скрозникова “Сэхээний тасагт сэрснээс түрүүлээд цохисон нь дээр. Бүү ай, бүү нуу. Хүчирхийлэл зайлшгүй болсон бол түрүүлж цохь” гэж ярьжээ.
ОХУ-д гэр бүлийн хүчирхийллийн тухай хууль байдаггүй учир энэ төрлийн хэргийг ямар нэг байдлаар гэмт хэрэгт тооцдоггүй билээ. Чухамдаа сүүлийн арван жилийн хугацаанд парламентын гишүүд хэд хэдэн удаа дээрх хуулийн төслийг өргөн барьсан ч олныг талцуулсан, гэр бүлүүдийг сүйрүүлж болзошгүй гэх мэт шалтгаанаар батлагдаагүй өдийг хүрчээ.
Эх сурвалж: RT
Өөрөөр хэлбэл оросын монголын эрүүгийн хуулинд Криминологи эрх Зүй ҮНДСЭН Хуулиндаа батлах хэрэгтэй