Дэлхийн цаг уурын өөрчлөлттэй тэмцэхэд мод бидний бодож байснаас илүү чухал болохыг эрдэмтэд баталжээ.
Шинжлэх ухааны Nature сэтгүүлд нийтлэгдсэнээс үзвэл, модны холтсонд байдаг нянгууд метан хийг асар ихээр шингээж авдаг аж.
Судалгааг ахалсан Бирмингхэм их сургуулийн профессор Винсент Гаучи “Моддын байгальд гүйцэтгэдэг үүргийг бид дутуу үнэлдэг байж. Мод бол яах аргагүй уур амьсгалын өөрчлөлтийн эсрэг хамгийн үр дүнтэй арга мөн юм” гэжээ.
Зөвхөн үүгээр тогтохгүй мод өөрөө нүүрсхүчлийн давхар ислийг шингээж, эргүүлээд хүчилтөрөгч ялгаруулдгийг хүн бүр мэднэ. Гэв метаны хийг хэрхдэг нь ойлгоход арай төвөгтэй. Жишээлбэл, Амазоны ширэнгэн ойд ургадаг модод шингээснээсээ их метаныг буцаан ялгаруулж байсан бол арай өндөрлөг газрын модод ялгаруулдгаасаа их метан шингээж байсан байна.
Гэтэл эрдэмтдийн олж мэдсэнээр метаныг зөвхөн мод өөрөө шингээдэггүй байж. Тухайлбал, модны холтсонд байдаг нянгууд маш их метаныг шингээж авдаг байжээ. Илүү тодорхой хэлбэл, дундаж модны метаны хий шингээх чадвар тус нянгийн тусламжтайгаар 10 хувиар нэмэгддэг гэнэ.
Эх сурвалж: Business Insider
