Их Британийн хатан хааны гэр бүлийн зүгээс III Чарльз хаан хорт хавдар тусч, эмчилгээ хийлгэж эхэлснийг зарлалаа.
III Чарльз хаан түрүү булчирхайн томролын улмаас өнгөрсөн долоо хоногт хагалгаа хийлгэх үеэр хорт хавдартай болсон нь илэрсэн бөгөөд орон нутгийн цагаар 5-ны өдрөөс тогтмол эмчилгээ хийлгэж эхэлсэн байна.
Хатан хааны гэр бүлийнхэн хорт хавдрын төрөл, үе шатын талаар тодорхой мэдээлэл өгөөгүй ч түрүү булчирхайн хорт хавдар биш гэж мэдэгджээ.
Түүнчлэн хаан эмчилгээгээ эхлүүлсэндээ тун эерэг хандаж байгааг хааны гэр бүлийнхэн дурдаад аль болох хурдан хэвийн амьдралдаа эргэн ирэхийг тэсэн ядан хүлээж байгаа хэмээн үргэлжлүүлэв.
Уг асуудалтай холбоотойгоор хаан олон нийтийн үйл ажиллагаанаас түр завсарлага авч байгаа хэдий ч үндсэн хуульд заасан төрийн тэргүүний үүргээ үргэлжлүүлэн хэрэгжүүлнэ гэж ВВС агентлаг онцлон тэмдэглэжээ.
Эх сурвалж: MBC