Америкийн айл өрхүүдийн хоол хүнсэндээ зарцуулж буй зардал орлоготой нь харьцуулахад сүүлийн 31 жилийн хамгийн өндөр түвшинд хүрч өссөн байна.
Wall Street Journal сонины тайлан болон АНУ-ын Хөдөө аж ахуйн яамны орон нутгийн цагаар 21-ний өдөр мэдээлснээр, 2022 онд АНУ-ын хэрэглэгчдийн хүнсний бүтээгдэхүүнд зарцуулсан зардал нь нэг удаагийн орлогын 11.3 хувийг эзэлж байсныг онцолжээ. Энэ нь 1991 оноос хойш буюу сүүлийн 31 жилийн хугацаан дахь хамгийн өндөр (11.4%) үзүүлэлтэд тооцогдох юм. Ийнхүү өсөх болсны гол шалтгаан нь сүүлийн 2-3 жилийн хугацаанд хүнсний бүтээгдэхүүний үнэ болон гадуур хооллох үнэ тэнгэрт хадсантай шууд холбоотой.
Өнгөрсөн сард какаоны үнэ түүхэн дээд хэмжээнд хүрч өссөнтнй холбоотойгоор хүүхдүүдийн идэх дуртай Oreo жигнэмэгээрээ алдаршсан Моndelez компани бүтээгдэхүүнийхээ үнийг нэмэхээс аргагүйд хүрсэн хэмээн мэдэгдсэн билээ. Түүнчлэн Kraft Heinz компани ч улаан лооль болон элсэн чихрийн үнэ өссөнөөс шалтгаалж кетчуп үйлдвэрлэх зардал харьцангуй нэмэгдсэн хэмээн дурдсан юм. Томоохон сүлжээ ресторанууд ч хөдөлмөрийн зардал нэмэгдэж байгаагаа бүтээгдэхүүнийхээ үнийг өсгөснөөр шийдэж байгаа нь үнэн юм.
Тодруулбал, Калифорни мужид ирэх 4-р сараас эхлэн томоохон түргэн хоолны сүлжээнүүд ажилчдынхаа цалингийн доод хэмжээг 25 хувиар нэмэгдүүлэн 20 ам.долларт хүргэх аж. Улмаар McDonald's, Chipotle зэрэг томоохон түргэн хоолны сүлжээнүүд бүтээгдэхүүнийхээ үнийг өсгөх магадлал өндөр байгаа юм.
Хүнсний бүтээгдэхүүн болон ресторан, хоол үйлдвэрлэлийн салбарынхан үнээ өсгөсөн бол эргүүлж буулгах нь тун ховор байдаг нь судалгаанаас харагдана. Тухайлбал Kelanova компанийн гүйцэтгэх захирал Стив Кэйиллан "Холбогдох судалгаанаас харахад нэгэнт нэмэгдсэн хүнсний бүтээгдэхүүний үнэ өмнөх түвшиндээ очсон тохиолдол тун ховор” гэжээ.
Эх сурвалж: JoongAng
Ашгүйдээ бусад улсын зовлон дээр зоолж .....
Гайхаад бх юм алга,угаасаа сүмд 10/өгдөг биз дээ.