Агаарын тээврээр ойр ойрхон зорчдог, тэжээвэр амьтадтай хүмүүст дуулгах нэгэн сайхан мэдээ түгжээ. Энэ юу вэ гэвэл, агаарын тээврийн Американ Эйрлайнс компани тэжээвэр амьтан тээвэрлэх журамдаа өөрчлөлт оруулж, зорчигчдод тэжээвэр амьтантайгаа цуг зорчих боломжийг олгосон явдал юм.
Тодруулбал, шинэчлэгдсэн журмын хүрээнд зорчигч өөрийн тэжээвэр амьтны хамтаар нэг бүтэн гар тээш тээвэрлэн зорчих боломжтой болсон байна.
Журам шинэчлэгдэхээс өмнө тэдний журмын дагуу зорчигчид тэжээвэр амьтантайгаа хамт зорчиж байгаа нөхцөлд гар тээш авах боломжгүй байсан бөгөөд гар тээшээ 35 ам.доллароор бүртгүүлдэг байжээ. Тийнхүү жижиг хэмжээний тэжээвэр амьтан тэжээдэг, тэжээвэр амьтантайгаа хамт агаарын тээврээр зорчих гэж байгаа бол зорчигч тэжээвэр амьтнаа зориулалтын торонд хийж, агаарын тээврийн компаниас зөвшөөрсөн хэмжээний гар тээшийг мөн авах боломжтой болсон нь олон улсад тэжээвэр амьтдыг дан ганц амьтан бус гэр бүлийн гишүүнээр хүлээн зөвшөөрөх болсныг илтгэж байна.
Эх сурвалж: USA Today