Мягмар гарагт Словенийн парламент Палестиныг тусгаар улсаар хүлээн зөвшөөрөхийг олонхын саналаар дэмжжээ. Саяхан Испани, Норвег, Ирланд улсууд ийм шийдвэр гаргасан юм.

Словенийн Засгийн газар өнгөрсөн долоо хоногт Палестиныг тусгаар улсаар хүлээн зөвшөөрөхийг дэмжиж, уг саналыг эцэслэн батлуулахаар парламентад илгээсэн байна. Улмаар 90 суудалтай парламентын 52 гишүүн дэмжсэн санал өгсөн бол үлдсэн хууль тогтоогчид түдгэлзсэн байр суурь илэрхийлжээ.

Өмнө нь Европын Холбооны /ЕХ/ 27 гишүүн орны долоо нь л Палестин улсыг албан ёсоор хүлээн зөвшөөрөөд байсны тав нь ЕХ-нд элсэхээсээ өмнө буюу 1988 онд хүлээн зөвшөөрснөө зарласан Зөвлөлтийн бүрэлдэхүүнд байсан орнууд юм. Харин Швед улс 2014 онд хүлээн зөвшөөрсөн байна.

Дэлхийн 140 гаруй улс буюу НҮБ-ын гишүүдийн гуравны хоёроос илүү хувь нь Палестиныг тусгаар улсаар хүлээн зөвшөөрчээ.