ОХУ-ын эрх аригчид энэ долоо хоногт Хятадтай тогтоосон холбоо нь аливаа гадаадын орны эсрэг чиглэсэн үйлдэл биш ч гэлээ хэрэв АНУ-аас аюул заналхийлбэл хоорондоо нэгдэхэд бэлэн гэдгээ зарлажээ.

Тухайлбал, ОХУ-ын гадаад хэргийн сайд Мариа Захарова АНУ-ын пуужингуудыг Японд байрлуулж болзошгүй асуудлаар ярихдаа “АНУ-ын давхар давхар дарамтын хариуг Бээжин, Москва хоёр нугалж барина гэдгийг та бүхэнд сануулъя” гэсэн байна.

Японы хэвлэл мэдээллийн хэрэгслүүдээр мэдээлснээс харвал, АНУ цэргийн хамтарсан сургуулилалтдаа зориулж Японд дунд тусгалтай Тайпон пуужингаа байрлуулах хүсэлтэй байгаагаа илэрхийлсэн юм.

Энэ талаар Захарова мөн “ОХУ, БНХАУ хоёул пуужингийн аюул даамжирвал нэн даруй хариу арга хэмжээ авна, тэгэхдээ улс төрөөс дэндүү ангид арга хэмжээ авна. Энэ талаар хоёр улс дахин дахин хэлэлцэж тохирсон. Манай хоёр орны холбоо бусад улстай дайсагнах зорилгогүй ч энэ дарамт бол өөр хэрэг. Хэрэв манай хоёр орны эсрэг нэг цэгээс дайсагнасан бодлого баримталбал, манай хоёр улс хамтарч хариу цохилт өгөхөд буруудах юмгүй” гэжээ.

ОХУ-ын Ерөнхийлөгч В.Путин 2022 онд Хятадын дарга Ши Жинпинтэй “хязгааргүй” хамтын ажиллагааны гэрээ үзэглэж, энэ онд түүнийгээ бүүр ч нягтруулан, шинэ түвшинд холбоотон болохоор тохиролцсон юм.

Хэдий тус хоёр улс цэргийн тал дээр холбоотон болсноо албан ёсоор зарлаагүй ч В.Путин өнгөрсөн долоо хоногт “Манай хоёр орон байж болох бүх зүйл дээр холбоотон” хэмээсэн юм.

Эх сурвалж: Reuters