Хятадын дэд бүтэц байгуулах онцгой чадварыг Өвөр Монголын Хишигтэн хошууны нутаг дахь Шар мөрөн дээгүүр татсан 2064м урттай шинэ гүүр дахин нэг баталлаа.

Энэ нь эолийн буюу сул элсэн хавцлын бүсэд баригдсан дэлхийн анхны гүүр бөгөөд одоогийн байдлаар дэлхийн хэмжээнд олон нам цамхагийн кабель тулгууртай хамгийн өндөр, хамгийн урт хэсэгчилсэн угсармал бетонон гүүр болж байна. Мөн уг гүүрийн өртөг 904 сая юань буюу 128.77 сая ам.доллар болсон гэнэ.

Гүүр 38м өндөртэй нийт зургаан цамхагтай агаад сууринаасаа орой хүртлээ 210м аж. Мөрний эрэг дагуух сул элс 60м гүн, хавцлын налуу 30-40 хэм юм. Ийм тогтворгүй, хувирамтгай гадаргуу дээр гүүр барихын тулд гадсуудыг маш гүнд суурилуулсан гэнэ.

Барилгын явцад говь цөл нутгийн халуун, хавцлын хүчтэй салхи гэх мэт олон хүндрэл тулгарч байжээ. Гэхдээ ийнхүү эцэст нь гүүрийг ашиглалтад оруулснаар өмнө нь хоёр цаг хагас явж хүрдэг байсан замыг нэг цагийн дотор туулах боломжтой болсон байна.

Шинэ гүүрийн ачаар Өвөр Монгол Бохай тэнгисийн эдийн засгийн төвтэй шууд холбогдоод зогсохгүй жуулчдын анхаарлыг татах, тээвэрлэх шинэ цэгтэй болж байна.

Эх сурвалж: China Daily