Apple компани өөрийн утасгүй чихэвч болох AirPods-ын шинэ хувилбарт камер суурилуулж магадгүй гэх таамаг гарчээ.

Мэдээлэл, харилцаа холбооны чиглэлээр мэргэшсэн хэвлэл мэдээллийн хэрэгсэл болох MacRumors орон нутгийн цагаар 1-ний өдөр Apple-ийн шинжээчийн тайлангаас иш татан, Apple компани 2026 он гэхэд хэт улаан туяаны камерын модулиар тоноглогдсон шинэ AirPods үйлдвэрлэхээр зорьж байна гэж мэдэгдэв.

Энэхүү тайланд Apple-ийн түнш компаниудаас иш татан мэдээлэхдээ AirPods чихэвчид суурилуулсан камер нь iPhone болон iPad дээрх Face ID шиг зураг авч бичлэг хийх зориулалттай биш аж. Харин таних үүргээр уг камерийг суурилуулахаар төлөвлөж байгааг дурдсан байна.

Түүнчлэн камераар тоноглогдсон AirPods-ийг өнгөрөгч 2-р сард худалдаанд гарсан холимог бодит байдлын төхөөрөмж болох “Vision Pro”-гийн туслах төхөөрөмж болгох нь Apple компанийн зорилго аж. Шинэ AirPods нь “Vision Pro”-ийн орон зайн дуу чимээг сайжруулахад туслах үүрэг гүйцэтгэх болно хэмээн тус тайланд онцолсон байна.

Эх сурвалж: MBC