Ням гарагт цахилгаан автомашины Тесла компани 2022 оны гуравдугаар улирлын тайлангаа танилцуулжээ. Улмаар өнгөрөгч гурван сарын хугацаанд тэд нийт 365 мянган автомашин угсарч, 343 мянган автомашиныг зах зээлд нийлүүлсэн байна. Энэ нь шинжээчдийн тооцоолж байснаас доогуур үзүүлэлт юм.

Теслагийн мэдэгдсэнээр долоодугаар сараас есдүгээр сарын хугацаанд тэд Модель S болон X загвараас нийт 19935 ширхгийг үйлдвэрлэж, 18672 ширхгийг зах зээлд нийлүүлсэн бол Модель 3 болон Y загвараас нийт 345988 ширхгийг үйлдвэрлэж, 325158 ширхгийг зах зээлд нийлүүлжээ. Теслагийн Модель S, X загварын хувьд нөгөө хоёр загвараасаа илүү үнэтэй борлуулагддаг юм. Тодруулбал, тус загварын цахилгаан автомашины үнэ 100,000 ам.доллароос эхэлдэг тул үйлдвэрлэл, нийлүүлэлт нь харьцангуй бага байдаг ажээ.

Тийнхүү Тесла энэ сарын 19-ний өдөр 2022 оны гуравдугаар улирлын санхүүгийн тайлангаа танилцуулах болсон байна.

Эх сурвалж: CNN