Мягмар гарагт БНАСАУ Япон улсын хойд хэсгийн дээгүүр баллистик пуужин харважээ. Одоогийн байдлаар яг ямар пуужин харвасан тухай тодорхой мэдээлэл байхгүй ч BBC агентлагаас мэдээлж байгаагаар дунд зэргийн тусгал бүхий баллистик пуужин байсан гэж мэдээлсэн байна.
Улмаар Япон улсын засгийн газраас Хоккайдо арлын ард иргэдийг пуужин нисэх үеэр ямар нэг байгууламж дотор орж нуугдахыг анхааруулан зарим нэг галт тэрэгний хөдөлгөөнийг түр зуур хязгаарлах арга хэмжээ авсан юм.
Энэ нь 2017 оноос хойш Хойд Солонгос улс Япон улсын дээгүүр пуужин харвасан анхны хэрэг ажээ.
Албаныхны мэдээлж байгаагаар Хойд Солонгосын харвасан пуужин Япон улсын нутаг дэвсгэрээс 3000 километрийн зайд Номхон далайд унасан гэнэ.
Үйл явдлын хүрээнд Япон улсын ерөнхий сайд Фумио Кишида Хойд Солонгосын туршилтыг хурцаар шүүмжилж, “хүчирхийллийн шинжтэй үйлдэл” хэмээн тодорхойлж, Үндэсний Аюулгүйн Зөвлөлийг хуралдуулах болсон байна.
Эх сурвалж: BBC