Хонконг аялал жуулчлалын салбараа сэргээхээр аялагчдад 2 тэрбум хонконг долларын үнэ бүхий 500 нислэгийн тийз үнэгүй өгөх болжээ.
Хонконгийн хувьд ойрын долоо хоногуудад коронавирусийн цар тахлын үед мөрдөх журмаа эрс сулруулж байгаа юм. Гэвч агаарын тээврийн компаниуд нь нислэгийн төлөвлөгөөгөө цар тахлын өмнөх үедээ хүргэх гэж саад бэрхшээлтэй тулгарч байгаа ажээ. Учир нь лхагва гарагт л гэхэд Британийн Виржин Атлантик авиа-компани Хонконг руу үйлдэх нислэгээ цуцлах болсон билээ.
Үйл явдлын хүрээнд Хонконгийн Аялал жуулчлалын Зөвлөлийн гүйцэтгэх захирал Дэйн Чений хэлснээр, “Нислэгийн удирдах албанаас агаарын тээврийн компаниудтай дээрх тохиролцоог эцэслэнэ. Тийнхүү засгийн газраас коронавирусийн үед мөрдөх журмыг цуцалсан хойно нислэгийн үнэгүй тийз тараах ажлын сурталчилгааг эхлүүлнэ.
Харин үнэгүй тийзийг тараах ажил ирэх онд зохион байгуулагдах юм. Тэдгээр тийз нь цар тахлын үед зорчигчид Хонконгийн агаарын тээврийн компаниудын үйл ажиллагааг дэмжих зорилгоор авсан тийз байх болно” гэжээ.
Эх сурвалж: BBC