Лхагва гарагт АНУ-ын төв банк болох ХНС-аас бодлогын хүүгээ дахин өсгөжээ.
ХНС-ийн хувьд инфляцын өсөлттэй тэмцэхийн тулд өнгөрөгч оны гуравдугаар сараас хойш бодлогын хүүгээ 50 болон 75 суурь нэгжээр өсгөж ирсэн бол энэ сард тэд ердөө 25 суурь нэгжээр өсгөсөн нь инфляц тогтворжиж байгааг илтгэж байгаа юм.
Гэвч албаныхны анхааруулснаар тэд цаашид ч бодлогын хүүгээ өсгөж магадгүй гэжээ.
Олон улсын төв банкнуудын зүгээс ХНС-ийн шийдвэрийг маш нарийн ажиглаж байгаа энэ цаг үед Английн Төв банк хийгээд Европын Төв банк ч тэдэнтэй адил бодлогын хүүгээ өсгөж байгаа юм.
Улмаар BBC агентлагаас мэдээлж байгаагаар Англи, Европын төв банкнууд өнөөдөр буюу пүрэв гарагт бодлогын хүүгээ өсгөх эсэх шийдвэрийг танилцуулах гэнэ.
Эх сурвалж: BBC