Реппер Шон Дидди Комбст холбогдох хэрэг нэгээр нэмэгджээ. Хохирогч бүсгүйн мэдүүлснээр реппер эр түүнийг 22 настай байхад нь гэртээ аваачин мансууруулаад өөртэй нь бэлгийн харьцаанд орохыг тулгасан гэсэн байна.

Кристал МакКинни гэх эмэгтэйн хувьд цагтаа загвар өмсөгчөөр ажилладаг байсан бөгөөд хэрэг гардаг өдөр реппер түүнд марихуан байх боломжтой ямар нэг мансууруулагч өгөөд түүнийг угаалгын өрөөндөө оруулан өвдөглүүлээд өөрийнх нь бэлгэ эрхтнийг хөхийг тулгасан гэсэн юм. Улмаар түүнийг зүгээс эсэргүүцэл үзүүлэхэд реппер эр түүнд хүч хэрэглэсэн ажээ. Бүсгүйн мэдүүлснээр тэр тухайн мөчөөс хойш болсон зүйлсийг санадаггүй бөгөөд аман бэлгийн харьцаанаас өөр зүйл болсон эсэхийг ч мэдэхгүй, ухаан ороход таксинд ганцаараа байсан гэсэн байна.

Репперийн хувьд эл хэрэг сөхөгдөхөөс өмнө өөрийн урьд үерхэж байсан бүсгүйг хүчирхийлдэг байсан хэргээр шүүхэд дуудагдсан юм. Улмаар түүний хүчирхийлэл үйлдэж байгаа бичлэг олон нийтийн цахим сүлжээнд тарснаар тэрээр уучлалт хүссэн бичлэг ч нийтэлж амжсан боловч олон нийтийн зүгээс түүнийг урьд өмнө нь эн талаарх мэдээллийг эрс няцаадаг байсан атал олон нийтэд ил болохын цагт уучлалт гуйж байгаа нь зохисгүй байна хэмээн шүүмжлээд амжсан билээ.

Эх сурвалж: NY Post