![](c/2405/VI-T79P9U4-BNRJTBI-9XNM5RR-XX.jpg)
Bark Air хэмээх тэжээвэр нохойтой зорчигчдод зориулагдсан анхны авиакомпани энэ пүрэв гарагт Нью Йорк хотоос Лос Анжелес руу анхны нислэгээ үйлдэх гэж байна. Агаарын хөлөг пүрэв гарагийн үдээс хойш 04:00 цагт хөөрөх гэнэ.
Тэжээвэр амьтны Bark гэх компанийн хувьд анх 2011 онд үүсгэн байгуулагдсан бөгөөд нохойн хоол болон бусад бүтээгдэхүүнийг худалддаг байсан юм. Харин өнгөрөгч дөрөвдүгээр сард тэдний танилцуулснаар тэд үйл ажиллагааныхаа цар хүрээг тэлж, агаарын тээврийн салбарт хүч үзэх болсон гэсэн билээ. Тэгвэл энэ пүрэв гарагт тэд анхны нислэгээ үйлдэх ажээ.
Хэвлэлийнхний мэдээлснээр Bark Air авиакомпанийн нэг тасалбараар нэг нохой, нэг хүн зорчих эрхтэй бөгөөд дөрвөн хөлт андтайгаа зорчиж буй гэр бүлийн бусад гишүүд тус тусдаа тасалбар авах хэрэгтэй гэнэ. Мөн авиакомпанийн журмын дагуу 18 болон түүнээс доош насны хүүхэд тэдний нислэгээр зорчих боломжгүй юм. Харин гол үйлчлүүлэгчид болох нохдын үүлдэр, хэмжээ хамаарахгүйгээр тэд агаарын тээврийн үйлчилгээгээ үзүүлэх ажээ.
Ташрамд дурдахад эл нислэгийн тасалбарын үнэ нэг талдаа 6,000 ам.доллар бол хоёр талдаа 8,000 ам.доллар гэнэ шүү.
Эх сурвалж: CNN